Hum apne ikhtiyar ki...

Hum apne ikhtiyar ki had se guzar gaye,
Chaha tumhe to pyar ki had se guzar gaye,

Jaagi hai apne dil mein gulabon ki aarzu,
Jab mousam e bahaar ki had se guzar gaye,

Ab zakhm haye dil ka kaha tak shumar ho,
Yeh zakhm to shumar ki had se guzar gaye,

Teri nigah e mast se ham itni pee gaye,
Itni ke har khumar ki had se guzar gaye,

Ehsas mar chuka hai khushi hai na gham koi,
Jaise ke jeet haar ki had se guzar gaye,

Aati hai saaf saaf nazar gham ki manzile,
Yeh qaflay ghubaar ki had se guzar gaye,

Woh log roz e qyamat se kya dare,
Jo tere intzaar ki had se guzar gaye..!!!