Tera kasoor nahi mera...

Tera kasoor nahi mera tha,
Maine tujhko apna samjha tha,

Dekh ke tere badle tewar,
Main to usi din ro beitha tha,

Ab main samjha ab yaad aaya,
Tu us din kyo chup chaap sa tha,

Tujhko jaana hi tha lekin,
Mile bagair hi kya jaana tha,

Ab tujhe kya kya yaad dilaoon,
Ab to woh sub kuchh hi dhoka tha,

Wohi hui hai jo honi thi,
Wohi mila hai jo likha tha,

Dil ko yun hi sa ranj hai warna,
Tera mera saath hi kya tha,

Kis kis baat ko raoon “AMIT“
Apna kehna hi itna tha...!!!