Pyar ke deep jalaanewale...

Pyar ke deep jalaane wale kuch kuch pagal hote hai,
Apni jaan se jaane wale kuch kuch pagal hote hai,

Dil k gehre zakhm mile to mujhko kuch ehsaas huwa,
In pagalo ko samjhane wale kuch kuch pagal hote hai,

Jaan se pyare logo se bhi kuch kuch parda lazami hai,
Saari baate batane wale kuch kuch pagal hote hai,

Khawaabon mein bhi anmol milan k sapne dekhte rehte hai,
Neeendo mein muskrane wale kuch kuch pagal hote hai,

Is chhoti nagri mein humne yehi humesha dekha hai,
Sacchhi baate batane wale kuch kuch pagal hote hai,

Pyar jinhe ho jaye unko chain bhala kab milta hai,
Aankh bhar ashk bahane wale kuch kuch pagal hote hai,

Apni zaat ke ujde gulshan se wo pyar kaha karte hai,
Auro ko mehkane wale kuch kuch pagal hote hai...!!!