Ujdi ujdi hui har aas lage,
Zindagi Ram ka ban-baas lage,
Tu ek behti hui nadiya ke samaan,
Tujhko dekhuN to mujhe pyaas lage,
Phir bhi chhuna use, asaan nahi,
Itni duri pe bhi,jo paas lage,
Waqt saaya sa koi chhod gaya,
Ye jo ek dard ka ehsaas lage,
Ek ek lahar kisi yug ki kathaa,
Mujhko Ganga koi itihaas lage,
Sher-o-naGhme se ye vahshat teri,
Khud teri ruh ka aflaas lage...!!!
No comments:
Post a Comment