Main aaina tha...

Main aaina tha, woh mera khayal rakhti thi,
Main toot-ta tha to chunkar sambhal rakhti thi,

Har ek masle ka hal nikal rakhti thi,
Zaheen thi, mujhe herat mein daal rakhti thi,

Main jab bhi tark-e-taluq ki baat karta tha,
Woh rokti thi mujhe, kal pe taal rakhti thi,

Bas ek woh thi jise zakhm main dikhata tha,
Bas ek woh thi keh jo khayal rakhti thi,

Woh mere dard ko chunnti thi apni pooron se,
Woh mere waste khud ko nidhal rakhti thi,

Woh doobne nahi deti thi dukh ke dariya mein,
Mere wajood ki naow uchaal rakhti thi,

Duain uski balaon ko rok leti thi,
Woh mere chaar soo haathon ki dhaal rakhti thi,

Ek aisi dhun ki nahi phir kabhi maine suni,
Woh munfarid sa hansi mein kamal rakhti thi...!!!